सुदुरपश्चिमकि नेहारीका नेपाल गोल्डन आइडलको टप टेनमा

कैलाली । गोल्डेन स्टार मल्टिमिडिया प्रा.ली.ले आयोजना गरेको सातौँ संस्करणको नेपाल गोल्डेन आइडलको टप टेनमा सदुर पश्चिम प्रदेश कैलालीकि नेहारीका बोहरा टप टेनमा पुगेकी छिन् ।

नेपालका विभिन्न ठाउँमा भएका अडिसन मार्फत छानिएका १ सय जना मध्येबाट सबैलाई पछि पार्दै १२ वर्षिया नेहारीका नृत्यको टप टेनमा पुग्न सफल भएकी हुन् । गएको चरणमा उत्कृष्ट नृत्य प्रतियोगिताको गोल्ड मेडल प्राप्त गर्दै नेहारिका टप टेनमा परेकी थिइन् । नेहारीकासंगै कैलालीको मसुरीयाबाट रोसन घिमिरे समेत टप टेनमा पर्न सफल भएका छन् । प्रतियोगीताको फाइनल आगामी बैशाख अन्तिममा हुने भएको छ । गायन तथा नृत्य दुवै तर्फ दश, दश जना गरी २० जना नेपाल गोल्डन आइडलमा परेका छन् ।

कैलालीको सुखडमा रहेको सप्त श्री मा.वि मा कक्षा ७ मा पढ्दै आएकी नेहारीकालाई आगामी राउन्डमा प्रवेश गराउन सबैले भोट गरि सहयोग गर्न नेहारीकाको आमा सुशिला थापाले आग्रह गरेकी छिन् । नेहारीकालाई भोट गर्नको लागि गोल्डेन नेपालको फेसबुक पेज खोलेपछि नेहारिका र रोशनको फोटो आउने र नेहारिकाको फोटोमा टच गरी पेज लाई शेयर गर्दिएपछी नेहारीकाको नाममा भोट जाने विद्यालयका नृत्य प्रशिक्षक अर्जुन बिकले बताए । उनले आगामी चरणमा पुर्‍याउन सबैको सहयोगको खाचो रहेको भन्दै उक्त फेसबुक पेजमा गएर शेयर गर्नको लागि आग्रह समेत गरे ।