आइतबार एमालेको एकता घोषणा गर्ने गोकर्ण विष्टको बाचा

काठमाडौं- नेकपा (एमाले)का सचिव तथा एकता कार्यदल सदस्य गोकर्ण विष्टले भोलिको दिन एमालेका लागि शुखद हुने बताए । उनले आइतबार एमाले एकताको सुखद् समाचार सुन्न पाइने बताएका छन् ।

शनिबार सिंहदरबारमा बसेको कार्यदल बैठकबाट बाहिरिने क्रममा पत्रकारसँग कुरा गर्दै विष्टले यस्तो बताएका हुन् । संचारकर्मीले भाका मात्रै सार्ने काम किन भैरहेको छ भन्दै प्रश्न गरेपछि विष्टले भोलि आइतबार एमालेको शुखद दिन हुने बाचा सम्मत गरेका छन् ।

एमाले नेताबीचको अविश्वासको अवस्था घट्दै गएको र पार्टी एकता गर्ने सम्बन्धमा दुवै पक्ष इमान्दार भएको भन्दै विष्टले भोलि सार्थक परिणाम र सुखद् समाचार सुन्न पाइने बताएका हुन् ।

‘एमाले नेताबीच अविश्वासको वातावरण घट्दै गएको छ । पार्टी एकता गर्ने सम्बन्धमा दुवैले इमान्दार भएका छौँ’, विष्टले भने, ‘सार्थक परिणाम र सुखद् समाचार भोलि नै सुन्न पाइन्छ ।’

विष्टले कार्यदलको बैठक आइतबार बस्ने बताए पनि समय भने बताएनन् ।