द्वन्द्वकालीन दोषीलाई कारबाहीको माग गर्दै गोविन्द केसी राष्ट्र संघ पुगे
काठमाडौं– चिकित्सा शिक्षा सुधारको माग राख्दै आएका गोविन्द केसीले अब द्वन्द्वकालीन घटनाको विषयलाई पनि आफ्नो एजेन्डा बनाएका छन् ।
डा. केसीले अधिवक्ता ओमप्रकाश अर्याल, इन्जिनियर प्रितम सुवेदी र अधिवक्ता शिवहरी तिमिल्सिनाको समर्थनमा द्वन्द्वकालीन घटनाका ‘दोषी’लाई कारबाहीको माग गर्दै संयुक्त राष्ट्र संघ र राष्ट्रिय
अभियान्त्रा डा गोविन्द्र केसीले जनआन्दोलनको घटनामा दोषी रहेकालाई कारवाहीको माग गर्दै संयुक्त राष्ट्रसंघीय मानव अधिकार उच्चायुक्तको कार्यालय र राष्ट्रिय मानव अधिकार आयोगमा ज्ञापनपत्र बुझाएका छन् ।
डा केसीले बुझाएको ज्ञापन पत्रमा १० वर्षे सशस्त्र द्वन्द्वका क्रममा १७ हजारको ‘हत्या गरिएको’ भन्दै यसमा दोषी रहेका व्यक्तिलाई कारबाही हुनुपर्ने विषय उल्लेख गरिएको छ ।
डा केसीले द्वन्द्वपीडितले न्याय नपाएको, तर पीडकले हिंसा, भष्ट्राचार र कालोधनको बलमा सत्ता कब्जा गरेको आरोप समेत लगाएका छन् ।
‘आफ्नै देश, समाज र छरछिमेकमा भएका मानवता विरोधी अत्याचारबाट पीडित व्यक्तिले न्याय नपाएको, बरु हिंसा, प्रतिहिंसा, भ्रष्टाचार र कालोघनको बलमा सर्वसत्ता कब्जा गर्न सफल आततायी पीडक पक्ष कै रजगज झन झन घनीभूत हुँदै गएको स्थितिले हामीलाई अत्यन्तै चिन्तित बनाएको छ,’ डा केसीले बुझाएको ज्ञापनपत्रमा भनिएको छ ।
मानवअधिकार आयोगमा बुझाएको ज्ञापनपत्र :
