घोडाघोडी क्लबद्बारा महोत्सव आयोजक प्रती असन्तुष्टि

सुखड,कैलाली । कैलालीको घोडाघोडी नगरपालिका -१ सुखडमा यहि माघ १४ देखी २३ गते सम्म संचालन हुने घोडाघोडी महोत्सव आयोजकको गतिविधि प्रती
सुखडमा क्रियाशील रहेको घोडाघोडी क्लवले असन्तुष्टि जनाएको छ ।

घोडाघोडी महोत्सव २०७५ मा आफुहरुलाइसंग कुनैपनी छलफल र जानकारी नगरी आफ्नो एकल तरिकाबाट काम गरिरहेको भन्दै घोडाघोडी क्लब सुखडले आपत्ति जनाएको हो ।

बिगतमा सुखडमा संचालन भएका मेला महोत्सवहरुले क्लवसंग समन्वय गर्दै काम गरेपनी अहिलेको महोत्सव संचालन समितीले आफु संग कुनै छलफल, सहकार्य र जानकारी नगराई एकल ढंगबाट अघि बढेकाले महोत्सव संचालनमा क्लवले सहयोग नगर्ने शनिबार एक प्रेस बिज्ञप्ती जारी गर्दैै जानकारी दिएको छ ।

क्लवका सचिव ओम प्रकाश आचार्यद्धारा हस्ताक्षर गरिएको बिज्ञप्तीमा , बिगत देखी नै सामाजीक क्रियाकलापमा सक्रिय र सबै भन्दा बढी युवाशक्ती भएको घोडाघोडी क्लवसंग कुनै छलफल नगरेको र महोत्सवका कुनै पनी क्रियाकलापमा क्लवलाई सहभागी नगराएकाले आजकै दिन देखी घोडाघोडी नगर उद्योग बाणिज्य संघका कुनै पनी कार्यक्रममा सहभागी नहुने उल्लेख गरिएको छ ।