अज्ञात समूहद्वारा वृद्धको घाँटी रेटेर हत्या

बारा । कलैया उपमहानगरपालिका–२३ कोइरिया टोलाका ६० वर्षीय नन्दलाल पटेलको अज्ञात समूहले शनिबार राति हत्या गरेको छ ।

प्रहरी नायव उपरीक्षक रञ्जीत सिंह राठौरका अनुसार खाना खाएर घर नजिकै गोठमा गएका बेला अज्ञात समूहले घाँटी रेटेर पटेलको हत्या गरेको हो ।

घटना राति साढे आठ बजेको हो । अहिले ठूलो संख्यामा प्रहरी परिचालन गरिएको र घटना बारे अनुसन्धान भइरहेको प्रहरीको भनाइ छ ।