घाँस काट्ने खुर्केर……का गायक लामिछानेको निधन

काठमाडौँ । अग्रज लोक श्रष्ठा बुद्धि कृष्ण लामिछानेको निधन भएको छ ।

भक्तपुर जिल्लाको बागेश्वरी गाविस वडा नं ३ मा वि.सं २०१५ साउन १ गते जन्मिएको उनको ६६ वर्षको उमेरमा शुक्रबार आफ्नै घरमा निधन भएको हो । लामिछानेलाई उनको गीत घाँस काट्ने खुर्केरले आम जनमानसमा परिचित गराएको थियो ।

उनले लोक गायकको रुपमा लामो समय सम्म रेडियो नेपालमा पनि योगदान दिएका छन् । उनले हिजो आजका कुरा, तितो सत्य लगायतका नेपाली टेलिशृङ्खलाहरुमा पनि अतिथी भूमिका निर्वाह गरेका छन् । उनले नेपाली सेनामा पनि योगदान दिएका छन् ।

उनको घाँस काट्ने खुर्केर आयो जोवन हुर्केर, गाई त बाध्ने पाटको दाम्लो, बाखरी बाखरी बाँध्ने डोरीले मैले के गर्नु, पिँडिमा बसेर मेरै बाटो हेरेर मेरी आमा रुँदी हुन् मलाई सम्झेर लगायतका गीतहरु निकै चर्चित छन् ।