विश्वकपमा खराब प्रदर्शन: जर्मनी १५औं स्थानमा ओर्लियो
काठमाडौं – विश्वकपमा पहिलो चरणबाटै बाहिरिएपछि जर्मनी फिफा विश्व ¥यांकिङमा १५औं स्थानमा झरेको छ ।
विश्वकप शुरू हुँदा पहिलो स्थानमा रहेको जर्मनी १४ स्थान मुनि पुगेको हो ।
योआखिम लोको प्रशिक्षणमा रहेको जर्मन टोलीले विश्वकपको समूह चरणमा एक जीत र दुई हार बेहोरेको थियो ।
अन्तिम खेलमा उसलाई दक्षिण कोरियाले लज्जास्पद पराजयको स्वाद चखाएको थियो ।
इंग्ल्यान्ड भने विश्वकपको सेमिफाइनलमा पुगेकाले ६ स्थान माथि उक्लेर छैठौं बनेको छ ।
फाइनलमा फ्रान्ससँग हारेको क्रोएसिया १६ स्थान माथि उक्लिएर चौथो भएको छ ।
विश्वविजेता फ्रान्स भने ६ स्थान माथि उक्लेर पहिलो स्थानमा रहेको छ ।
बेल्जियम दोस्रो अनि ब्राजिल तेस्रो स्थानमा रहेका छन् ।
अर्जेन्टिना भने राउन्ड अफ १६ मा पराजित भएर बाहिरिएपछि ११औं स्थानमा रहेको छ ।
विश्वकप आयोजक रुस भने एकैचोटि २१ स्थान माथि उक्लिएर ४९औं स्थानमा रहेको छ भने इजिप्ट चाहिँ २० स्थान घटेर ६५औं बनेको छ ।
फिफाका शीर्ष दश टोली यसप्रकार छन् :
१ फ्रान्स
२ बेल्जियम
३ ब्राजिल
४ क्रोएसिया
५ उरुग्वे
६ इंग्ल्यान्ड
७ पोर्चुगल
८ स्विट्जरल्यान्ड
९ स्पेन
१० डेनमार्क
एजेन्सी