भारतीय क्रिकेटर गौतम गम्भीर भाजपा प्रवेश : चुनाव लड्ने
काठमाडौं– भारतीय क्रिकेट टिमका पूर्व खेलाडी गौतम गम्भीर भारतीय जनता पार्टी (भाजपा)मा प्रवेश गरेका छन् ।
आसन्न लोकसभा निर्वाचनमा दिल्लीबाट उम्मेदवार बन्ने लक्ष्यका साथ गम्भीर शुक्रबार भाजपा प्रवेश गरेका हुन् ।
भाजपा नेता तथा संघीय मन्त्रीहरु अरुण जेट्ली र रवीशंकर प्रसादले गौतमलाई पार्टी प्रवेश गराए ।
क्रिकेटर गम्भीरले प्रधानमन्त्री नरेन्द्र मोदीको ‘भिजन’बाट प्रभावित भएकाले भाजपा प्रवेश गरेको बताए ।
गम्भीरले सन् २००७ को एकदिवसीय विश्वकपका लागि महत्वपूर्ण भूमिका निभाएका थिए । यस्तै सन् २०११ को ट्वान्टी–२० विश्वकपमा पनि गम्भीरले भारतीय टिमका लागि महत्वपूर्ण भूमिका निर्वाह गरेका थिए ।