गगन थापाको यस्तो होली !

रङ दल्दै आपसमा खुशियाली साटासाट गरेर मनाइने रङ्गै–रङ्गको पर्व होलीको उमङ्ग शुरु भएको छ ।

विजयको प्रतीकको रुपमा मनाइने परम्परा रहेको होली काठमाण्डु उपत्यकालगायत हिमाली र पहाडी क्षेत्रमा धुमधामका साथ एक–अर्कामा रङ दलेर मनाउन थालिएको छ । तराईका जिल्लामा भने भोली होली मनाइन्छ ।

प्रतिनिधिसभा सदस्य एवं नेपाली कांग्रेसका नेता गगनकुमार थापाले पनि होली सपरिवारसहित मनाएका छन् । उनले सामाजिक सञ्जाल फेसबुकमा होली मनाएको फोटो अपलोड गरेका छन् ।

उनले फोटो अपलोड गर्दै लेखेका छन्, ‘रंगको पर्व होली र फागुले सम्पूर्ण नेपालीमा पारस्परिकता, एकता र सामाजिक सद्भाव कायम गरोस् । सबैमा फागुको रङ्गिन शुभकामनाः होली रे…’ ।