गगन थापा र विश्वप्रकाश शर्मा महामन्त्रीमा विजयी
काठमाडौं । नेपाली कांग्रेसको नयाँ नेतृत्व चयनका लागि भएको निर्वाचनअन्तर्गत महामन्त्री पदको मतगणना जारी रहँदा गगन थापा र विश्वप्रकाश शर्मा महामन्त्रीमा विजयी भएका छन् ।
थापाले कांग्रेसमा लोकप्रिय मत पाएका छन् भने विश्वप्रकासले पनि उनीपछि दोस्रो मत ल्याएका छन् । मत गणना जारी भएपनि उनीहरूको मतान्तर निकै धेरै छ ।
सुरुबाटै अग्रता लिएका उनीहरूले एकले शेखरको प्यानल र अर्काले प्रकाशमानको प्यानलबाट लडेका थिए । विश्वप्रकाश र महतको टक्कर भएपनि पछि मतान्तर बढाउंदै लागेका थिए ।
अब गन्न बाँकी मतबाट प्रकाशमानले विश्वप्रकाशलाई उछिन्ने सम्भावना छैन ।
४०९० मतगणना हुँदा गगन थापाले २६४४, विश्वप्रकाश शर्माले १६८५, प्रदीप पौडेलले १२१७, डा. प्रकाशशरण महतले १३५७, डा. मीनेन्द्र रिजालले ७०६ र डा. राजाराम कार्कीले ९२ मत प्राप्त गरेका छन् ।
महामन्त्रीका लागि ६ जना प्रतिष्पर्धामा रहेपनि दुईजना निर्वाचित हुनेछन् ।