एमाले महाधिवेशनमा फरक मोड: पूर्वमाओवादीले बनाए छुट्टै प्यानल
चितवन । चितवनमा जारी एमालेको १० महाधिवेशनमा नयाँ मोड आएको छ । बन्दसत्र चलिरहँदा पूर्वमाओवादीबाट आएका चार नेताको बेग्लै बैठक बसेको छ ।
छुट्टै प्यानल बनाउँदै पूर्वमाओवादी नेताहरूको बैठकले तीन पदाधिकारीमा दाबी गर्ने निर्णय लिएको छ ।
उपाध्यक्ष, उपमहासचिव र सचिवमा दाबी गर्ने निर्णयपछि माओवादी नेताहरु पार्टी अध्यक्ष ओलीलाई भेट्न गएका छन् ।
सेभेनस्टार होटेलमा रामबहादुर थापाबाहेक टोपबहादुर रायमाझी, लेखराज भट्ट, मणि थपा र प्रभु साह बसेका थिए ।
उपाध्यक्षमा बादल, उपमहासचिवमा रायमाझी र सचिवमा भट्टको प्रस्ताव गरिएको बताइएको छ ।