४५ करोडको एफपीओ जारी गर्दै एभरेष्ट बैंक
२३ साउन, काठमाडौं । एभरेष्ट बैंकले चालु आर्थिक वर्षभित्रै ४५ करोड रुपैयाँ बराबरको र्फदर पब्लिक अफरिङ (एफपीओ) जारी गर्ने भएको छ । बैंकले चुक्ता पुँजी बढाउनका लागि पि्रमियम मुल्यमा एफपीओ जारी गर्न लागेको हो ।
बैंकले पुँजी वृद्धि योजना सार्वजानिक गर्दै २ अर्ब रुपैयाँ मर्जरबाट, ४५ करोड रुपैयाँ एफपीओबाट र फ्रि रिजर्भमा रहेको २ र्अ ७७ करोड रुपैयाँलाई पुँजीकरण गर्दै ०७४ असार मसान्तसम्ममा राष्ट्र बैंकले तोकेको चुक्ता पुँजी पुर्याउने जनाएको छ ।
गत आर्थिक वर्षको मौदि्रक नीतिमार्फत् राष्ट्र बैंकले वाणिज्य बैंकहरुको न्यूनतम् चुक्ता पुँजी ८ अर्ब रुपैयाँ हुनुपर्ने घोषणा गरेको थियो । हाल बैंकको पुँजी २ अर्ब ७६ करोड रुपैयाँ छ ।
त्यसैगरी, बैंकले चार वटा वाणिज्य बैंकसँग मर्जरका लागि कुराकानी भइरहेको जनाएको छ । त्यसमध्ये एउटासँग मर्ज गर्ने जनाएको छ । तर, मर्जरको लागि कुराकानी भईरहेका बैंकहरुको नाम भने खुलाएको छैन ।
बैंकले ४ करोड रुपैयाँको अग्राधिकार सेयरलाई साधारण सेयरमा रुपान्तरण गरी त्यसबाट ४ करोड रुपैयाँ सेयर पुँजी थप्ने बैंकको योजना छ ।
बैंकको स्वतन्त्र सञ्चित कोषमा भएको २ अर्ब ७७ अर्ब रुपैयाँ चुक्ता पुँजीमा पुँजीकरण गर्नु भनेको आवश्यक पर्ने पुँजीका लागि स्वतन्त्र रिजर्भमा रहेको पुँजीबाट बोनस सेयर जारी गर्नु हो । जसअनुसार यो बैंकले चालु आर्थिक वर्षमा ४० प्रतिशतसम्म बोन सेयर दिने अनुमान गर्न सकिन्छ ।
source:onlinekhabar