वामदेव पनि गएनन् एमालेको बैठकमा
काठमाडौं- नेकपा (एमाले)को स्थायी कमिटी बैठक ललितपुरमा सुरू भएको छ । बैठक ललितपुरको च्यासलस्थित तुल्सीलाल प्रतिष्ठानमा बसिरहेको छ । बैठकमा माधव नेपाल समूह उपस्थित भएका छैनन् ।
यस्तै पार्टीका उपाध्यक्ष वामदेव गौतम पनि बैठकमा अनुपस्थित भएका छन् । यसअघिका बैठकमा उपस्थित हुने गरेका गौतम आजको बैठकमा उपस्थित भएका छैनन् ।
केहीदिन अगाडि बसेको पार्टी केन्द्रीय कमिटीको बैठकमा पनि उपाध्यक्ष गौतम सहभागी भएका थिए । उक्त बैठकमा गौतमले गुण र दोषका आधारमा आफूले समर्थन वा विरोध गर्ने बताएका थिए ।
बैठकमा वरिष्ठ नेता झलनाथ खनाल र नेता माधवकुमार नेपाल पक्षबाट भने कोही पनि सहभागी भएको छैन ।