एमाले र एकीकृत समाजवादीबीच पनि चुनावी तालमेल, बाँडे अध्यक्ष र उपाध्यक्ष

केन्द्रमा एमालेले एकीकृत समाजवादीलाई पार्टी नमाने पनि हुम्लाको चंखेली गाउँपालिकामा भने चुनावी तालमेल भएको छ । हुम्लाको चंखेली गाउँपालिकामा नेकपा एमाले र एकीकृत समाजवादीबीच चुनावी लातमेल भएको छ ।

एमाले र एकीकृत समाजवादीबीच चुनावी तालमेलपछि अध्यक्षमा एमालेका विमलाकुमार शाही र एकीकृत समाजवादीबाट उपाध्यक्षमा प्रेमकला शाहीले उम्मेदवारी दिएका छन् । एमालेले उपाध्यक्ष र एकीकृत समाजवादीले अध्यक्षमा उम्मेदवार उठाएका छैनन् ।

यस्तै चंखेलीमा माओवादी केन्द्रले गोविन्दबहादुर शाहीलाई अध्यक्षमा उठाएको छ भने कांग्रेसले मैना बुढालाई उपाध्यक्षको उम्मेदवार बनाएको छ ।