एमाले सचिवालय बैठक बस्दै, महानगर र उपमहानगरका उम्मेदवार आजै ‘फाइनल’ हुने
काठमाडौं– नेकपा एमाले सचिवालय बैठक बस्दै छ। आजै बैठक बस्नेगरी तयारी भैरहेको बताइएको छ ।
महानगर र उपमहानगरपालिकाको उम्मेद्वारको विषयमा छलफल गर्न सचिवालय बैठक बस्न लागेको एमाले उपाध्यक्ष अष्टलक्ष्मी शाक्यले बताइन्।
आज (बिहीबार) दिउँसो १ बजे बालकोटमा बस्ने बैठकले उम्मेदवारको मापदण्डका विषयमा छलफल गरी टुंगो लगाउने उनको भनाइ छ।
सत्तागठबन्धनले महानगर र उपमहानगरको भागबण्डा टुंगो लगाएर सिट बाँडफाँट गरेपछि प्रमुख प्रतिपक्षी एमालेको सचिवालय बैठक बस्न लागेको छ।