पोखरीमा डुबेर तीन वर्षिया बालिकाको मृत्यु

कैलाली । कैलालीमा माछा पोखरीमा डुबेर एक बालिकाको मृत्यु भएको छ । जिल्लाको घोडाघोडी नगरपालिका-१ बेलकोटमा आईतबार दिउँसो घर नजिकैको माछा पोखरीमा डुबेर उनको मृत्यु भएको हो ।

मृत्यु हुनेमा बेलकोट निवासी मिम बहादुर शाहीकी ३ बर्षिया छोरी एलिशा शाही रहेको ईलाका प्रहरी कार्यालय सुखडका प्रहरी प्रमुख हरि शरण भट्टले जानकारी दिए । शवलाई पोस्टमार्टमको लागि सेती अञ्चल अस्पताल धनगढी पठाइएको र घटना बारे थप अनुसन्धान भईरहेको प्रहरीले जनाएको छ । सांकेतिक तस्बिर :