डिला संग्रौलाले भनिन्: यस्तै हो भने कांग्रेसले चुनाव हार्छ

विराटनगर । नेपाली कांग्रेसकी केन्द्रीय सदस्य डा.डिला संग्रौलाले यस्तै गुटगत क्रियाकलाप भैरहने हो भने कांग्रेसले चुनाव हार्ने बताएकी छन् । उनले गुट बिर्सिएर तीन तहको निर्वाचनमा केन्द्रित हुनुपर्ने समेत बताएकी छन् ।

विराटनगरमा विहीबार पत्रकार सम्मेलनमा बोल्दै उनले महाधिवेशनको प्रक्रियामा पार्टी नेतृत्वका लागि भएको स्पर्धामा बिजेता र उपविजेताहरु एकजुट भएर निर्वाचनमा केन्द्रित हुनुपर्ने बताइन् ।

उनले पार्टीको महाधिवेशन सकिसकेकाले गुट-उपगुट बिर्सेर तीन तहको निर्वाचनमा केन्द्रित हुनुपर्ने बताइन् । ‘अब तीनै तहका निर्वाचनमा अर्जुनदृष्टि लगाउनुपर्छ,’ उनले भनिन,‘ अब मुलुकलाई नयाँ ढंगले अघि बढाउने जिम्मेवारी कांग्रेसको हो ।’

तीनै तहको निर्वाचन नजिकै आइपुगेकोले देशलाई विकास र समृद्धिको यात्रामा अघि बढाउन कांग्रेसको नेतृत्व जरुरी रहेको उनको भनाइ छ ।