धनुषामा गोली चल्यो- गाउँले र प्रहरीबीच तनाव

जनकपुरधाम : धनुषाको मुखियापट्टी मुसहर्निया-५ मा प्रहरीले गोली चलाएको छ । गाउँलेहरु र प्रहरीबीच विवाद बढ्दै जाँदा प्रहरीले दुई राउण्ड हवाइ फायर गरेकोहो ।

गाउँमै मोटरसाइकल चोरी गर्नेलाई गाउँलेले भगाउन खोजेपछि विवाद बढेको थियो । मोटरसाइकल चोरी गर्ने गिरोहलाई समाउन सदा पोसाकमा विशेष प्रहरी खटिएको थियो । प्रहरीले भीड नियन्त्रण गर्न हवाइ फायर गरेको जनाएको छ ।

गाउँलेहरुको भीडले प्रहरी टोलीलाई झुक्याउँदै चोरलाई भगाएको बताइएको छ । चोरीको मोटरसाइकल खरिद बिक्री भइरहेको गोप्य सूचना आएपछि प्रहरी टोली यहाँ खटिएको थियो ।