उपसभापतिमा धनराज गुरुङ जिततर्फ
काठमाडौँ – नेपाली कांग्रेसको उपसभापतिमा धनराज गुरुङ जित नजिक पुगेका छन्।
तीन हजार ४०० मत गणना हुँदा गुरुङले १५६५ र भण्डारीले १२९८ मत प्राप्त गरेका छन्। उनीहरू दुवै डा. शेखर कोइराला समूहका उम्मेदवार हुन्।
सभापति शेरबहादुर देउवा प्यानलका पूर्णबहादुर खड्काले १०९२ र विजय गच्छदारले ८७६ मत पाएका छन्।
महेश आचार्य पाँचौं, सूजाता कोइराला छैटौं र दिव्यश्वरी शाह अन्तिम स्थानमा छन्।कांग्रेसका ४७४३ महाधिवेशन प्रतिनिधिमध्ये ४६७९ जनाले मतदान गरेका थिए।
संस्थापन इतर पक्षले निरन्तर अग्रता लिइरहेका छ्न । जसले संस्थापन पक्षका अरु उम्मेद्वारलाई पनि सशंकित पारेको छ ।
सभापतिको मत गणना कांग्रेस केन्द्रीय कार्यालयमा सानेपामा भइरहेको छ। सभापतिको मत गणना भने राष्ट्रिय सभागृहमा भएको थियो।
कांग्रेस उपभासपतिमा सात जना उम्मेदवार छन्। पहिलो र दोस्रो हुने उपसभापतिमा निर्वाचित हुनेछ।