धनगढीको मुख्य बजारमा रहेको पसलमा आगलागी

कैलाली । कैलालीको धनगढी बजारमा रहेको गणेश इन्टरप्राईजेज र सरस्वती इन्टरप्राईजेजमा आगलागी भएको छ ।

एनसीसी बैंक छेउमा रहेको उक्त पसलको माथिल्लो तलामा एक्कासि सोमबार दिउसो ४ बजेतीर आगो लागेको जिल्ला प्रहरी कार्यालय कैलालीले जनाएको छ ।

आगोे नेपाल प्रहरी ,शसस्त्र प्रहरी , धनगढी उपमहानगरपालीकाको दमकल तथा स्थानीयहरुको सहयोगमा साँझ ६ बजे मात्र नियन्त्रणमा लिएको प्रहरीले जनाएको छ ।

प्रहरीले बिद्युत सर्ट भई आगलागी भएको प्रारम्भिक अनुमान गरेको छ । आगलागी हुँदा के कति क्षति भयो भन्ने एकीन तथ्यांक आउन अझै केही समय लाग्ने प्रहरीले बताएको छ ।