धागो उद्योगमा आगलागी

काठमाडौं । गोकर्णेश्वरस्थित भगवती धागो उद्योगमा आगलागी भएको छ । गोकर्णेश्वर नगरपालिका – ४ मा सञ्चालन गरिएको भगवती धागाे उद्योगमा शनिबार बिहान करिब ४ बजे विद्यतु सर्ट भई आगलागी भएको हो ।

महानगरीय प्रहरी प्रभागका प्रमुख प्रहरी नायव निरीक्षक रामेश्वर खड्काका अनुसार भारतीय नागरिक लक्ष्मण दुबेले सञ्चालन गरेको उद्योगमा आगो लागेको हो ।

आगलागीबाट मेसिन, जेनेरेटरलगायत अल्लो, ऊनजस्ता कच्चा पदार्थ जलेर नष्ट भएका छन् । आगो दमकल र ३ वटा पानी ट्याङ्करको सहयोगमा नियन्त्रणमा लिइएको प्रहरीले जनाएको छ ।