देउवाले डाके मन्त्रिपरिषद्को बैठक, यस्ता छन् एजेण्डा
काठमाडौं- प्रधानमन्त्री शेरबहादुर देउवाले मन्त्रिपरिषद्को बैठक बोलाएका छन्। सोमबार दिउँसो तीन बजे प्रधानमन्त्री निवास बालुवाटारमा बस्ने गरी बैठक बोलाइएको प्रधामन्त्रीको सचिवालयले जनाएको छ।
बैठकमा स्थानीय तहको निर्वाचन सार्न स्थानीय तह निर्वाचन ऐन २०७३ संशोधन गर्ने एजेन्डामा छलफल हुने सम्भावना रहेको बुझिएको छ।
आइतबार मात्रै पाँच दलीय गठबन्धनले कानून व्यवसायीसँग गरेको छलफलपछि संविधान र ऐनको व्यवस्था बाझिएकाले ऐन संशोधन गर्ने निर्णय गरेको थियो।
कानून न्याय तथा संसदीय मामिला मन्त्रालयले ऐन संशोधनका लागि मन्त्रिपरिषद् बैठकमा प्रस्ताव लैजाने तयारी गरेको छ।
ऐन संशोधन गरेर फागुनमा तीनै तहको निर्वाचन एकैपटक गर्ने सत्ता गठबन्धन्को तयारी छ।