एमसीसीको गुण र दोषमा गठबन्धन टुट्दैन: देउवा
काठमाडौं । प्रधानमन्त्री शेरबहादुर देउवाले कुनै पनि मुद्दाको गुण र दोषमा गठबन्धनमा असर नपर्ने बताएका छन् ।
प्रधानमन्त्री देउवाले कुनैपनि विषयको गुण र दोषमा आधारमा गठबन्धनमा समस्या नआउने बताएको कांग्रेस प्रवक्ता प्रकाशशरण महतले बताए ।
“गठबन्धनका सम्बन्धमा प्रधानमन्त्री देउवाले कुनै पनि मुद्दाको गुण र दोषमा गठबन्धनमा असर गर्दैन भन्नुभएको छ,” महतले भने ।
उनले कांग्रेस एसमीसीमा स्पष्ट रहेको पनि बताए ।
“हामी सत्तामा हुँदा एउटा प्रतिपक्षमा हुँदा अर्को भन्ने छैन । अब एमसीसीबाट पछि फर्कदैनौँ । गठबन्धनमा दलहरूमा पनि फरक छ । तर, टेबल सहमतिमा भएको हो,” उनले भने
उनले एमसीसी सहयोग अनुदानबाहेक अरू केही नभएको पनि बताए ।
“यो कसरी राष्ट्रघाती र राष्ट्र विरोधी भयो । सेना आउँछ भनेको छ, काम छैन अमेरिकाको ? किन आउँछ, यो अचम्म छ । यो नेपालको इतिहास झुटो र नियोजित प्रचार कहिले भएको थिएन,” उनले भने ।