चन्द्रागिरिमा पनि देउवालाई झट्का: सिंह निकट प्यानलै सर्वसम्मत
काठमाडौँ – राजधानी आसपासका अधिवेशनका नतिजाले प्रधानमन्त्री तथा नेपाली कांग्रेसका सभापति शेरबहादुर देउवालिई झट्का लाग्न सुरू भएको छ । काठमाडौं महानगरमा आफू निकटको प्यानल नै हारेपछि बर्चस्व खुस्काएका देउवालाई चन्द्रागिरि नगरपालिकाको नतिजाले पनि गिज्याएको छ ।
नेपाली कांग्रेसको १४औँ महाधिवेशनअन्तरगत चन्द्रागिरि नगरपालिकाको सभापतिमा घनश्याम गिरी सर्वसम्मत निर्वाचित भएका छन् । सोमबार बिहान नगर सभापतिसहित पदाधिकारी र सदस्यसमेतमा गिरीको प्यानलै सर्वसम्मत निर्वाचित भएको हो । गिरि कांग्रेस नेता प्रकाशमान सिंह निकट हुन् ।
नगर उप सभापतिमा इन्द्रावती श्रेष्ठ र राजेन्द्रविक्रम बानियाँ निर्वाचित भएका छन् । सचिवमा नविन महर्जन, सहसचिवमा जीवन गिरी र भुवन श्रेष्ठ चयन भएका छन् भने कोषाध्यक्षमा मन्जयप्रकाश श्रेष्ठ निर्वाचित भएका हुन् । गिरी चन्द्रगिरि नगरपालिकाका मेयरसमेत हुन् ।