शीतल निवासमा ४५ मीनेट बसेर फर्किए देउवा
काठमाडौं- प्रधानमन्त्री शेरबहादुर देउवा राष्ट्रपति भवन शीतल निवासमा राष्ट्रपति विद्यादेवी भण्डारीलाई भेटेर भर्खर बालुवाटार फर्किएका छन् ।
भोलि जलवायु परिवर्तनसम्बन्धी विश्व सम्मेलनमा भाग लिन स्कटल्याण्डको ग्लास्गो जान लागेका प्रधानमन्त्री देउवा राष्ट्रपति भण्डारीलाई भेट्न शितलनिवास पुगेका थिए ।
राष्ट्रपति र प्रधानमन्त्रीबीच झण्डै ४५ मीनेट भेटवार्ता भएको बताइएको छ ।
आज अपरान्हको मन्त्रिपरिषद्को बैठकले भोलिदेखि संसद अधिवेशन अन्त्य गर्ने सिफारिस गरेको छ । त्यसैगरी भारत,अमेरिका र बेलायतमा राजदूत नियुक्तीको सिफारिस समेत भएको छ ।
सोही सन्दर्भमा प्रधानमन्त्री राष्ट्रपतिलाई जानकारी गराउन र विदाइ भेट गर्न शीतल निवास पुगेको बताइन्छ ।