मन्त्रालय रहेको दिल्लीको कम्प्लेक्समा भीषण आगलागी

नयाँदिल्ली– नयाँदिल्लीमा एकपछि अर्को आगलागीको घटना भएका छन् । बुधबार बिहान पनि सीजीओ कम्प्लेक्सको दीनलयाल अन्त्योदय भवनमा आगो लागेको हो । पाँचौं तलमा आगो लागेको बताइएको छ ।

आगो नियन्त्रणका लागि दमकल परिचालन गरिएको छ । आगो नियन्त्रणका लागि २४ दमकल प्रयोग गरिएको छ । आगो भारतीय समय अनुसार बिहान करिब ८ बजे लागेको हो । आगो लागेको सूचना ८ः३४मा आएको थियो । आगो अहिले पनि लागि रहेको आजतकले जनाएको छ । आगो निभाउने प्रयास भइरहेको छ ।

उक्त भवनमा एयर फोर्स, सामाजिक न्याय एवं अधाकारिता मन्त्रालय, वन विभागका साथै पेयजल मन्त्रालयसमेत केन्द्रीय कार्यालय रहेका छन् ।