श्रेयसको कप्तानीमा गौतम गम्भीर टिम ११ मा परेनन्
आईपीएल २०१८ अन्तरगर्त आज २६ औँ खेल दिल्ली डेयरडेभिल्स र कोलकाता नाईटराईडर्सबीच भैरहेको छ । कोलकातासँग टस हारेर दिल्लीले ब्याटिङको निम्तो पाएको हो ।
गौतम गम्भीरको कप्तानबाट राजीनामापछि आज दिल्ली पहिलोपटक श्रेयस ऐयरको कप्तानीमा मैदानमा उत्रिँदै छ ।
ऐयरको कप्तानीमा खेलाइने आशा गरिएका सन्दीप लामिछानेको नाम आज पनि प्लेइङ इलाभेनमा परेनन् । दिल्लीको टिममा घाइते क्रिस मोरिसको सट्टा दक्षिण अफ्रिकाकै तीव्र गतिका बलर जुनियर डाला समावेश भएका छन् । डेनियल क्रिश्चिियन तथा गौतम गम्भीरको ठाउँमा कोलिन मुन्रो र विजय शंकरलाई टिममा राखिएको छ ।
कोलकाताले भने एकमात्र परिवर्तन गरेको छ । टम कर्रानको स्थानमा मिचेल जोन्सनलाई ल्याइएको छ । ताजा अवस्थामा दिल्लीले तीन अाेभरकाे समाप्तिमा बिना विकेटकाे क्षतिमा ३१ रन बनाएकाे छ ।
यस्तो छ दिल्ली डेयरडेभिल्सको टिम ११
पृथ्वी शा, कोलिन मुन्रो, श्रेयस अय्यर (कप्तान),ऋषभ पंत, ग्लेन म्याक्सवेल, विजय शंकर, लियाम प्लंकेट, अमित मिश्रा, राहुल तेवतिया, आवेश खान, ट्रेन्ट बोल्ट