दस दिनदेखि कैलालीका एक किशोर बेपत्ता

घोडाघोडी ,कैलाली । कैलालीको लम्कीचुहा नगरपालिकामा एक किशोर दस दिनदेखि बेपत्ता भएका छन् ।

लम्कीचुहा नगरपालिकाको वडा नं ६ गुलराका पत्रकार लीला जंग शाहीका कान्छा छोरा १६ वर्षीय गोविन्द शाही गत शनिवार (९ गते) बिहान १० बजे घरबाटै बेपत्ता भएका हुन् । राष्ट्रिय नवजागृति मावीमा अध्ययन गर्दै आइरहेका शाहीले केहिदिन अघि मात्र कक्षा ९ को परीक्षा दिएर घरमै बसिरहेका बुवा लीला जंग शाहीले जानकारी दिए ।

गहुँ गोरो वर्णका, आर्मी ड्रेसको ज्याकेट र जिन्स प्यान्ट लगाएका शाहीलाई देखे प्रहरीमा खबर गरी सहयोग गरीदिन दिन बुवाले आग्रह गरेका छन् । विभिन्न नाका र प्रहरी चौकीमा समेत खबर गरेको बताउँदै शाहीले खबर गर्ने ब्यक्तिलाई पुरस्कारको समेत घोषणा गरेका छन् । पत्रकार शाहीलाई ९८५८४२ २३४० मा सम्पर्क गर्न सकिन्छ ।