दाङमा यात्रुवाहक बस र जन्ती चढेको स्कारपियो जीप ठोक्किँयो, ६ जनाको मृत्यु
दाङ – दाङमा यात्रुवाहक बस र जन्ती चढेको स्कारपियो जीप आपसमा ठोक्किँदा बेहुलाका आमा–बुवासहित ६ जनाको मृत्यु भएको छ भने दुईजना गम्भिर घाइते भएका छन् । लमही नगरपालिका– ९ रिहारमा बिहान २ बजे दुर्घटना भएको हो ।
बिहीबार बेहुली लिएर चितवनको गितानगरबाट बाँकेको शमसेरगञ्ज जाँदै गरेको बा १२ च ३१२२ नम्बरको स्कारपियो जीप र महेन्द्रनगरबाट काठमाडौंतर्फ जाँदै गरेको ना ५ ख ४०९० नम्बरको यात्रुवाहक बससँग ठोक्किँएको थियो ।
जिल्ला प्रहरी कार्यालय दाङका प्रहरी जवान शिव भण्डारीका अनुसार मृत्यु हुनेहरुमा राप्ती सोनारी गाउँपालिका वडा नम्बर ८ निवासी ५३ वर्षीय मानबहादुर केसी, ४५ वर्षीया विमला खत्री, ४९ वर्षीय विश्वनाथ अधिकारी, ५ वर्षीय प्रविण केसी, ३१ वर्षीय दीपककुमार खड्का र बाँकेको कोहलपुर नगरपालिका १२ निवासी ७८ वर्षीय दत्तबहादुर खत्री रहेका छन् ।
दुर्घटनामा घाइते ४५ वर्षीया गितादेवी खत्री र चालक २१ वर्षीय यमबहादुर मगर उपचार गर्न बाँकेको कोहलपुर पठाइएको प्रहरीले जनाएको छ ।
शव लमही अस्पतालमा राखिएको छ ।