डडेल्धुरामा जिप दुर्घटना हुँदा दुईको मृत्यु , १५ घाइते

कैलाली । डडेल्धुराको भागेश्वर गाउपालिका- ४ मा शनिबार बिहान जिप दुर्घटना हुँदा दुई जनाको मृत्युु भएको छ ।

सदरमुकामबाट भागेश्वर जाँदै गरेको म १ ज १८० नम्बरको जिप दुर्घटना हुँदा भागेश्वर ३ का ४५ वर्षीय दिपेन्द्र शाही र भागेश्वर २ का २७ वर्षीय धर्मसिंह मडैको मृत्यु भएको छ भने १५ जना यात्रु घाइते भएको जिल्ला प्रहरी कार्यालय डडेल्धुराले जनाएको छ ।

प्रहरी दुर्घटना भएको ठाउँमा रहेको र दुर्घटना बारे थप अनुसन्धान भइरहेको प्रहरीले जनाएको छ ।