बेवारिसे लास फेला

काठमाण्डौं || जिल्ला काठमाण्डौं तारकेश्वर नगरपालीका ४ फुलवारी गेट नजिकै शम्शेर दल गणको हाता भित्र रहेको पर्खालको छेउमा विहिबार एउटा पुरुषको बेवारिसे लास फेला परेको छ ।

मोटो शरिर, उचार्इं अन्दाजी ५ फिट ६ ईन्च, कालो रंगको फूल बाहुला भएको टिसर्ट लगाएको, भित्रपट्टी सेतो भेस्ट लगाएको, निलो रंगको जिन्स पाईन्ट मान्छेको बेवारिसे लास फेला परेको हो । घाटीमा कालो डोरी र डारीमा रुद्राक्ष जस्तै केही भएको अपराध अनुसन्धान महाशाखाले जानकारी दिएको छ । मृतकको साथबाट भारतीय एक रुपयाँको सिक्का फेला परेको छ ।

लाश फेला परी हालसम्म पहिचान खुल्न नसकी अनुसन्धान कार्यमा बाधा परेको जानकारी अनुसन्धान महाशाखाले जानकारी दिएको छ ।