कांग्रेसले केन्द्रीय समिति बैठक बोलायो

काठमाडौं । नेपाली कांग्रेसले चुनावी समीक्षाका लागि केन्द्रीय समितिको बैठक बोलाएको छ ।

चैत ९ गते शुक्रबार विहान पार्टी कार्यालय सानेपामा केन्द्रीय समितिको बैठक बोलाइएको हो ।
बैठकमा कांग्रेसले पदाधिकारी एवम् सदस्यलाई बोलाएको जनाएको छ ।

कांग्रेसले स्थानीय तह, प्रदेशसभा र प्रतिनिधिसभाको निर्वाचनमा बेहोरेको पराजयको समीक्षा गर्न बैठक बोलाएको हो । यसअघि समय अभावको कारण देखाउँदै कांग्रेसले केन्द्रीय समितिको बैठक बोलाएको थिएन ।