वडा अध्यक्षको संलग्नतामा युवकमाथि मरणासन्न हुने गरी कुटपिट

अछामको ढकारी गाउँपालिका वडा नम्बर ४ मा स्थानीय एक युवकलाई वडा अध्यक्षसहितको टोलीले मरणासन्न हुनेगरी कुटपिट गरिएको छ । स्थानीय २३ वर्षीय वीरबहादुर थापा माथि अमानविय ढङ्गबाट कुटपिट भएको हो ।

वडा अध्यक्ष भक्त बुढा र उनका सहयोगी पदम बुढाले मदिरा सेवन गरी वीरबहादुरलाई कुटपिट गरेको उनका दाइ कृष्ण थापाले जानकारी दिएका छन् । यही वैशाख ९ गते साँझ विद्यालयमा मजदुरी काम गरेर घर फर्किने बेला पसलमा चिया खान जाँदा बुढा द्धयले मरणासन्न हुने गरी कुटपिट गरेको उनलेको भनाइ छ । चिया खाएर सामान किनिरहेको अवस्थामा बिरबहादुरलाई २ जना लागेर आँखा नै बन्द हुने गरी कुटपिट गरेको थापाले जानकारी दिएका छन् ।

अहिले जिल्ला अस्पतालमा उपचार गराइरहेका वीरबहादुरको आँखा, नाक, मुख र विभिन्न ठाउँमा चोट लागेको छ । काँग्रेसबाट निर्वाचित वडा अध्यक्ष बुढाले पार्टीगत रिसिविका कारण आफ्नो भाइलाई यसरी मरणासन्न हुने गरी कुटपिट गरेको थापाको आरोप छ ।

घट्नबारे बुझ्न जिल्ला प्रहरी कार्यालय अछामको टोली बलाता पुगेको र पीडक भनिएकाहरु नभेटिएर फर्किएको बताइएको छ । कुटपिटमा संलग्न भनिएका व्यक्तिहरू नभेटिएको र भेटिएपछि कारबाही हुने जिल्ला प्रहरी कार्यालय अछामका प्रहरी प्रमुख डिएसपी दधिराम न्यौपानेले बताएका छन् । घट्नबारे थप कुरा प्रहरीले जानकारी लिइरहेको उनको भनाइ छ ।

यस्तै, बीरबहादुर माथि भएको उक्त घट्नप्रति आफ्नो गम्भीर ध्याँनाकर्षण भएको भन्दै अछाम २ को प्रदेशसभा १ का सांसद अक्कल रावलले बताएका छन् । यो घट्ना आपत्तिजनक भएको र यसरी अमानविय ढङ्गले यातना दिई कुटपिट गरिनु खेदजनक भएको उल्लेख गर्दै सांसद रावललेदोषि माथि कडा कारबाही गरिनुपर्ने बताएका छन् । पीडित वीरबहादुरको अहिले जिल्ला अस्पताल मंगलसेनमा उपचार भइरहेको छ ।