कांग्रेसले तोक्यो सात कमान्डर

काठमाडौं । नेपाली कांग्रेसले पार्टीको आसन्न १४ औं महाधिवेशनका लागि सात कमान्डर तोकेको छ । महाधिवेशन अन्तर्गत प्रदेश समितिको अधिवेशनका लागि सातवटै प्रदेशमा कांग्रेसले कमान्डर तो केको छ ।

आइतबार पार्टी सभापति शेर बहादुर देउवा निवास बूढानिलकण्ठमा बसेको केन्द्रीय कार्यसमिति बैठकले सात प्रदेशमा अधिवेशन गराउन केन्द्रीय नेताहरुलाई जिम्मेवारी दिएको हो ।

प्रदेश १ मा कृष्णप्रसाद सिटौला, प्रदेश २ मा रमेश रिजाल, वाग्मतीमा प्रकाशमान सिंह, गण्डकीमा गोपालमान श्रेष्ठ, लुम्बिनीमा बालकृष्ण खाँण, कर्णालीमा जीवनबहादुर शाही र सुदुरपश्चिममा दिलेन्द्रप्रसाद बडुलाई संयोजक तोक्ने निर्णय गरिएको प्रवक्ता विश्वप्रकाश शर्माले जानकारी दिए । कांग्रेसको प्रदेश अधिवेशन मंसिर १६ र १७ गते तोकिएको छ ।