चितवनमा छुट्टाछुट्टै सवारी दुर्घटना हुँदा १२ घाइते
चितवन । पुर्वी चितवनको राप्ती नगरपालिका ३ झुरझुरेमा मंगलबार छुट्टाछुट्टै सवारी दुर्घटना हुँदा १२ यात्रु घाईते भएका छन्।
दुर्घटना विहान ११ बजे चितवनबाट हेटौंडातर्फ जाँदै गरेको लु १ ख ८९४६ नम्बरको बसले विपरित दिशाबाट आउँदै गरेको ना ५३ प ७८३१ नम्बरको मोटरसाइकललाई ठक्कर दिंदा मोटरसाइकलमा सवार दुई जना गम्भिर घाइते भएका छन्।
उनीहरुको अहिले भरतपुर अस्पतालमा उपचार भैरहेको छ। बस र चालकलाई भने नियन्त्रणमा लिईएको प्रहरीले जनाएको छ ।
यस्तै सोही ठाउँ नजिकै भण्डारातर्फबाट भरतपुर आउँदै गरेको बा ३ ख ७३८६ नम्बरको लोकल बस आफैं अन्यिन्त्रीत भई पल्टिंदा १० यात्रु घाईते भएको प्रहरीले जनाएको छ।
उनीहरुको उपचारका लागि भरतपुर ल्याईंएको छ ।घाइतेहरुको पहिचान नखुलेको प्रहरीले जनाएको छ ।