पत्रकार अविनाश चौधरी सम्मानित

कैलाली । गोरखापत्र दैनिकका धनगढी संवाददाता अविनाश चौधरी सम्मानित भएका छन् । पत्रकारितामार्फत डल्फिन संरक्षणमा योगदान पु¥याएको कदर गर्दै डल्फिन संरक्षण तथा सूचना केन्द्र टीकापुरले उनलाई बिहीबार सम्मान गरेको हो ।

पश्चिम टुडे दैनिकका समाचार संयोजक समेत रहेका चौधरीले विगत समयदेखि नै डल्फिनसहित वन्यजन्तु संरक्षणको क्षेत्रमा कलम चलाउँदै आएका छन् । ‘इन्टरनेशल फ्रेश वाटर डल्फिन’ दिवसको अवसरमा उनलाई सम्मान गरिएको हो । बर्खा याममा कैलालीको विभिन्न नदीमा अत्यन्त नजिकबाट विश्वमै दुर्लभ गङ्गेटिक प्रजातिको डल्फिन देखिने गर्दछन् ।

त्यस्तै दिवसको अवसरमा सञ्चारकर्मी विवश चौधरी, पत्रकारहरु विक्रम कायस्थ, भीम बिक, छविलाल जैशीलाई पनि सम्मान गरिएको छ । यस्तै, डल्फिन संरक्षणमा क्रियाशील कल्पना ढुंगाना, नरेन्द्र रेग्मी, धनञ्जय ढुङ्गाना, ललित भण्डारी पनि सम्मानित भएका छन् ।