चार जना नेपालीलाई कोरोना सङ्क्रमण भएको पुष्टि
काठमाडौं- कोरोना भाइरसको संक्रमण अहिलेसम्म चार नेपालीलाई लागेको पुष्टि भएको छ ।
नेपाल र अस्ट्रेलियामा एक एक तथा यूएईमा दुई नेपालीलाई कोरोना लागेको पुष्टि भएको हो ।
नेपालमा कोरोना लागेका व्यक्ति चीनबाट फर्किएका थिए ।
ज्वरो आएपछि टेकु अस्पतलामा जाँच गराउँदा उनलाई कोरोना भाइरस संक्रमण भएको पुष्टि भएको थियो ।
यद्यपि, उनी अहिले पूर्ण स्वस्थ भइसकेका छन् ।
टेकुस्थित राष्ट्रिय जनस्वास्थ्य प्रयोगशालामा अहिलेसम्म ४४१ नेपालीको परीक्षण गरिएकोमा कसैमा पनि कोरोना संक्रमण देखिएको छैन ।