ब्राजिल भर्सेस मेक्सिको ! तपाईको समर्थन कसलाई ?

मस्को । रसियामा जारी विश्वकप फुटबल अन्तर्गत आज हुने पहिलो खेलमा पाँच पटकको विजेता ब्राजिल र मेक्सिको भिड्ने छन् । ब्राजिल र मेक्सिकोबीचको खेल सामरा एरिना रंगशालामा साँझ पौने ८ बजे सुरु हुनेछ ।

समूह ई मा रहेको ब्राजिल समूह विजेताको रुपमा राउण्ड अफ सिक्सटिनमा पुगेको हो । पहिलो खेलमा स्विट्जरल्याण्डसँग १–१ गोलको बराबरीमा रोकिएको ब्राजिलले दोस्रो खेलमा कोष्टा रिकालाई २-० ले तथा अन्तिम खेलमा सर्वियालाई २-० ले हराएको थियो ।

धेरैको चाँसो रहेको कुरा केछ भने आज ब्राजिल जित्ला कि नजित्ला ? यो प्रश्न धेरैलाई किन उब्जिएको हो भने यसअघि विजेताका दाबेदार मानिएका टिम घर फर्कि सकेका छन् । जर्मनी, अर्जेन्टिना, पोर्चुगल तथा स्पेन अन्तिम आठमा नपुगेका अवस्थामा आज ब्राजिलको प्रदर्शन कस्तो रहला ? यो प्रश्न उत्सुकताकासाथ हेरिएको छ ।

तपाईको समर्थन ब्राजिल वा मेक्सिको मध्य कसलाई ? कृपया तलको कमेन्टमा लेखिदिनुहोला ।