त्रिभुवन अन्तर्राष्ट्रिय विमानस्थलमा बम राखिएको हल्ला, यात्रुहरूको भागदौड
काठमाडौं- त्रिभुवन अन्तर्राष्ट्रिय विमानस्थलमा बम राखिएको हल्ला चलेपछि यात्रुहरूको भागदौड चलेको छ ।
विमानस्थलमा बम राखिएको भन्दै फोन आएपछि उडान प्रभावित भएका छन् भने यात्रुहरूलाई बाहिर निकालिएको छ ।
अहिले सुरक्षाकर्मीले आन्तरिक उडानतर्फका यात्रीलाई बाहिर निकालेर शंकास्पद बस्तुको खोजी गरिरहेको छ ।
विमास्थलका अधिकारीका अनुसार एक्सजेन्चमा अपरिचित फोन आएको थियो ।
आन्तरिक उडान बन्द गरिएका छन्। तर, अन्तर्राष्ट्रिय उडान भने जारी छन्।
अहिले सेनाको बम डिस्पोजल टोली त्यहाँ पुगेको विमानस्थल स्रोतले जानकारी दिएको छ।