बोक्सिको आरोपमा राधा चौधरीमाथि कुटपिट गर्ने ६ जना विरुद्ध मुद्दा दर्ता

धनगढी ,कैलाली । फागुन २४ गते कैलालीको घोडाघोडी नगरपालिका वडा नम्वर ५ देउकलियामा बोक्सिको आरोपमा राधा चौधरीमाथि कुटपिट गर्ने राम बहादुर चौधरी (भोले बाबा ) सहित अन्य ५ जना सहयोगीलाई सम्पुर्ण अनुसन्धान कार्य पुरा गरी दोषी ठहरिएपछि कैलाली जिल्ला अदालतमा मुद्दा दायर गरिएको छ ।

घोडाघोडी नगरपालिका वडा नं ५ देउकलिया बस्ने २३ बर्षिय भोलेबाबा भन्ने राम बहादुर चौधरी, १८ बर्षिया किस्मत चौधरी, ३४ बर्षिय बेद प्रसाद चौधरी, ३३ बर्षिया चनकला चौधरी, ४१ बर्षिया सितारानी चौधरी र घोडाघोडी नगरपालिका वडा नम्वर ३ की २४ बर्षिया स्मारिका चौधरीको नाममा मुद्दा दर्ता भएको प्रहरीले जानकारी दिएको छ ।

भोलेबाबा भन्ने राम बहादुर चौधरीले बिभिन्न महिलालाई बोक्सी लागेको र छुटाई दिन्छु भनी निर्घात कुटपिट गर्दै आएको खुल्न आएको प्रहरीले जनाएको छ ।