बिरामी परेका ओली फुटबल हेर्न रंगशाला पुगे
काठमाडौं- बिरामी परेको भनिएका नेकपा एमालेका अध्यक्ष केपी शर्मा ओली दशरथ रंगशालामा पुगेका छन् ।
रंगशालामा भएको नेपाल र भारतबीचको मैत्रीपूर्ण फुटबल खेल अवलोकन गर्न ओली त्यहाँ पुगेको बताइएको छ ।
नेपाल र भारतबीच दोस्रो मैत्रीपूर्ण खेल आइतबार हुँदैछ ।आइतबार अपरान्ह उनी फुटबल हेर्न दशरथ रंगशालामा पुगेका हुन् ।
यसअघि गत बिहीबार भएको मैत्रीपूर्ण खेलमा नेपाल र भारतले १-१ को बराबरी खेलेका थिए ।
शनिबार अध्यक्ष ओली बिरामी परेको विभित्र संचार माध्यमले जनाएका थिए । त्यसैदिन एक कार्यक्रममा ओलीले आफूलाई सामान्य ज्वोरो आएको बताएका थिए ।