विकासका लागि सञ्चार संम्बन्धी एक दिवसिय कार्यशाला गोष्टी सुखडमा सम्पन्न
हिमाल पोस्ट
सुखड ,कैलाली ।। सञ्चारले अनौपचारीक रुपमा शिक्षाको रोल खेलिरहेको एक कार्यक्रमका सहभागिहरुको भनाई रहेको छ । विकासका लागि सञ्चार संम्बन्धी एक दिवसिय कार्यशाला गोष्टीमा सहभागीहरुले सो कुरा बताएका हुन । कैलालीको घोडाघोडी नगरपालिका -१ सुखडमा शुक्रबार आयोजीत कार्यक्रममा सहभागी क्षेत्र नं. ३ ख बाट निर्वाचित प्रदेशसभा सदस्य अमर बहादुर साउदले ,”सञ्चारले स्थानिय तहले गरेका हरेक गतिविधीलाई जनमानस सम्म पुर्याउनु पर्ने बताउनु भयो । “
त्यस्तै घोडाघोडी नगरपालिकाका नगर प्रमुख ममता प्रसाद चौधरीले संञ्चारले अनौपचारिक रुपमा शिक्षाको रोल खेलि रहेको हुँदा कुरिति र कुसंस्कार उजागर गर्दै अगाडी बढ्नु पर्ने बताउदै सञ्चार माध्यम र स्थानिय सरकार हातेमालो गर्दे अगाडी बढ्न जरुरी रहेको बताउनु भयो । त्यस्तै कार्यक्रममा सहभागि पहलमानपुर सेक्टर वन कार्यलयका सहायक वन अधिकृत सम्भु सिंहले सञ्चारले समाजमा शान्ती स्थापना अमन चयनका लागि सकारत्मक कुराहरुलाई विषेश जोड दिनु पर्ने बताउनु भयो ।
त्यस्तै घाडाघोडी बहुमुखी क्याम्पसका उप–प्राध्यापक नारायण अम्मैले जनताका समस्यालाई उजागर गर्दै अगाडि बढ्नु पर्ने बताउदै, नगर क्षेत्रका हरेक गतिविधिहरुलाई घच्घच्याउने कार्य सञ्चारले गर्न सक्नु पर्ने, साथै स्थानिय जन-मानसमा सचेतना जगाउन सञ्चारको ठूलो महत्व रहने बताउनु भयो ।
कार्यक्रममा अधिकांश सहभागिहरुले सञ्चारले स्थानिय तहका गतिविधिहरुलाई उजागर गर्दै, हरेक सवालमा सेवा प्रदायक र सेवा ग्राही विचको पुलको कार्य गर्नु पर्ने ,साथै हरेक गतिविधिको सकारत्मक उत्थान गर्नु पर्ने मा जोड दिनु भएको थियो।
कार्यक्रममा कैलालीमा सञ्चारको अवस्था चुनौती र सम्बन्धीत सरोकारवालाको भुमिका कस्तो रहने ? आदी विषयको सहजीकरण कैलालीको घोडाघोडी नगरपालिका -१ सुखडमा रहेको रेडियो कैलालीका प्रबन्ध निर्देशक नवराज खनालले गर्नु भएको थियो ।कार्यक्रममा विभिन्न क्षेत्रका प्रमुख तथा प्रतिनिधि गरी ३५ जना भन्दा बढीको सहभागिता रहेको थियो ।