वरिष्ठ सङ्गीतकार बिजु बज्राचार्यको निधन : सोमबार बिहान अन्तिम श्रद्धाञ्जली

काठमाडौं -वरिष्ठ सङ्गीतकार बिजु बज्राचार्यको निधन भएको छ । लामो समयदेखि बिरामी परेका बज्राचार्यको बानेश्वरस्थित सिभिल अस्पतालमा निधन भएको हो ।

रेडियो नेपालमा समेत कार्यरत रहेका बज्राचार्य शालीन तथा अनुभवी सङ्गीतकारको रुपामा परिचित छन् ।गुल्मी जिल्लाको मुसिकोटमा जन्मेका बज्राचार्य गुल्मी कलाकार समाज काठमाण्डौका प्रथम उपाध्यक्ष पनि हुन् ।

भोलि सोमबार बिहान ९ बजे देखि ११ बजेसम्म श्रद्धाञ्जलीको लागि पशुपति आर्यघाटमा उनको शव राखिने र श्रद्धाञ्जली पश्चात अन्त्यष्टि गरिने जनाइएको छ । अन्तिम श्रद्धाञ्जलीको लागि सम्पूर्णलाई पशुपति आर्यघाटमै उपस्थित हुन आग्रह पनि गरिएको छ ।