विद्यालय गएका बालक मृत अवस्थामा भेटिए

सल्यान । सल्यानको त्रिवेणीमा विद्यालय गएका एकजना बालक मृत अवस्थामा भेटिएका छन् । त्रिवेणी गाउँपालिका २ रिखेवगरका डिल्ली बहादुर बुढाथोकीका साढे ४ वर्षीय छोरा दिपक बुढाथोकी शुक्रबार साँझ मृत अवस्थामा भेटिएका हुन् ।

खेत जोतेर फर्किन लागेका स्थानीय राम बहादुर भण्डारीले साँझ शारदा नदीमा मृत अवस्थामा बालकको शव भेटेपछि प्रहरीलाई खवर गरेका थिए ।

स्थानीय मेरिगोल्ड बोर्डिङ्गबाट पढेर घर फर्किने क्रममा पौडि खेल्न खोज्दा वालकको डुवेर ज्यान गएको हुन सक्ने प्रहरीले अनुमान गरेको छ । बालकका बवा हाल वैदेशिक रोजगारीका क्रममा रहेको प्रहरीले जनाएको छ । घटनाबारे अनुसन्धान भइरहेको इलाका प्रहरी कार्यालय लुहामले जनाएको छ ।नयाँ पत्रीका /फाइल तस्वीर :