विदेशीने युवाकाे मार्मिक कहानी (गजल ) - Himal Post Himal Post
  • १६ चैत्र २०८०, शुक्रबार
  •      Fri Mar 29 2024
Logo

विदेशीने युवाकाे मार्मिक कहानी (गजल )



-गणेश खनाल

सोचेजस्तो हुँदैन हर कसैको जिन्दगानी ।

आँसु पुछ्दै जानुपर्छ बोकेर यो राहदानी ।

 

सिञ्चिने छु पसिनाले मेरै देशको माटो भन्थेँ

खेर जानी भयो प्यारी मरुभूमिमा यो जवानी ।

 

भत्किन्छ की डरलाग्छ सपनाको घर हाम्रो

आखाहरु नटालिदै आउने गर्छ हर बिहानी ।

 

सम्झाउदै बा आमालाई राम्रोसँग घर समाल

जे भने नि रूखो बचन नबोल्नु है मेरी सानी ।

 

कोल्टे फेर्दा सम्झनाले मनमा गाँठो परेपनि

बिन्ती तिमीले नरुझाउ आँसु झारी त्यो सिरानी ।

 

तिम्रो माया बा आमाको आशीर्वादले बाँचेको छु

भित्र बाहिर दौड्दा छोरो फर्किने छ यो मौलानी ।

 

– मालारानी ३, अर्घाखाँची । हाल बुटवल