भोजपुरमा बस दुर्घटना :एक जनाको मृत्यु ,६ जना घाइते

काठमाडौं । भोजपुर नगरपालिकामा बस दुर्घटना भएको छ । शनिबार बिहान ११ बजे भोजपुरदेखि धरानका लागि छुटेको को १ ख ३०५९ नम्बरको बस भोजपुर नगपालिका–६ देउरालीमा दुर्घटना भएको हो ।

दुर्घटनामा एक जनाको मृत्यु भएको छ । मृत्युहुनेमा अरुण गाउँपालिका–३ प्याउली की ५० वर्षीया हिमकुमारी कार्की रहेको बताइएको छ । बसमा सवार अन्य ६ जना घाइते भएका छन् । घाइतेमध्य एकको अवस्था गम्भीर रहेको प्रहरीले जनाएको छ ।

बसको ब्रेक फेल भएर दुर्घटना हुन सक्ने प्रहरीले अनुमान गरेको छ । घाईतेहरुको उपचार जिल्ला अस्पताल भोजपुरमा छ  ।फाईल तस्विर