भीरबाट खसेर कैलालीमा एक महिलाको मृत्यु

कैलाली । कैलालीमा भीरबाट लडेर एक महिलाको मृत्यु भएको छ ।

आइतबार घर छाउनको लागि खर काट्ने क्रममा मोहन्याल गाउँपालिका -१ की ३३ वर्षीया खगीसरा रोकामगरको मृत्यु भएको जिल्ला प्रहरी कार्यालय कैलालीले जनाएको छ ।

घर नजिकै रहेकोे नरकट्टे भीरबाट लड्दा उनको घटानास्थलमै मृत्यु भएको प्रहरीले जनाएको छ । मृतक मगरका दुई छोरा र एक छोरी छन् । उनका श्रीमान वैदेशिक रोजगारका लागि विदेशमा छन् ।