नेकपा प्रदेश कमिटि सदस्य गोकर्ण भट्ट सम्मानित

काठमाडौं । नेपाल कम्युनिष्ट पार्टी (नेकपा) सुदूरपश्चिम प्रदेश कमिटी सदस्य गोकर्ण भट्ट ‘देशभक्त गणतान्त्रिक सम्मान’बाट सम्मानित भएका छन् । नेपाल देशभक्त गणतान्त्रिक मञ्चद्वारा आयोजना गरिएका एक कार्यक्रममा नेकपा अध्यक्ष तथा पूर्व प्रधानमन्त्री प्रचण्डबाट भट्टले सम्मानपत्र ग्रहण गरेका हुन ।

सामाजिक क्षेत्रमा निरन्तर योगदान दिँदै आएका व्यक्तित्वहरुलाई मञ्चले सम्मान गर्दै आएको छ । भट्टसँगै नेपाल आयल निगमका नवनियुक्त जनकलाकार जीवन शर्मा, नेपाल आयल निगमका निर्देशक सुरेन्द्र पौडेल, कलाकार दयाहाङ राई, नबल खडका, ओम शर्मा, गँगा बस्याललगायत एक दर्जनबढी स्रष्टा सम्मानित भएका थिए ।

कञ्चनपुर जिल्लाको भीमदत्त नगरपालिका वडा नं. २ उलखाम निवासी भट्ट लामो समयदेखि पत्रकारिता तथा सामाजिक विकासको क्षेत्रमा सक्रिय रहँदै आएका छन् । २०५४ सालमा कञ्चनपुरबाट विकल्प साप्ताहिक प्रकाशन आरम्भ गरेका भट्ट हाल एभरेष्टदैनिक डटकम अनलाईनको सम्पादन गर्दछन् । हालैमात्र उनी नेकपा सुदूरपश्चिम प्रदेश कमिटीमा चयन भएका थिए ।