भारतीय राजदूत मञ्जीभसिंह पुरीको होली प्रधानमन्त्री निवासमा
काठमाडौं । नेपालका लागि भारतीय राजदूत मञ्जीभसिंह पुरीले होली प्रधानमन्त्री निवासमा मनाएका छन् । राजदूत पुरी र उनकी पत्नी होलीको लागि विहीबार बिहान प्रधानमन्त्री निवास पुगेका हुन् ।
राजदूत दम्पति वाम गठबन्धन र संघीय समाजवादी फोरम नेपालबीच सरकार बिस्तार र संविधान संशोधन बारे छलफल भइरहेको बेला प्रधानमन्त्री निवास पुगेका थिए ।
प्रधानमन्त्री के.पी ओली र राजदूत दम्पतिबीच जलपानसहित होलीको शुभकामना आदानप्रदान भएको छ ।
प्रधानमन्त्री ओली र राजदूत पुरीबीच नेपाल–भारत सम्बन्ध प्रगाढ बनाउने बारे संक्षिप्त कुराकानी भएको प्रधानमन्त्रीका प्रेस संयोजक चेतन अधिकारीले जानकारी गराउनु भयो ।