म माधव नेपाल नेतृत्वको पार्टीमा छैन: भानुभक्त जोशी
काठमाडौं- नेकपा एमाले समाजवादीको केन्द्रीय सदस्यमा नाम राखिएपछि भानुभक्त जोशीले आपत्ति जनाएका छन् । उनले आफू माधव नेपाल नेतृत्वको पार्टीमा सामेल नभएको बताएका छन् ।
एमाले समाजवादीको केन्द्रीय सदस्यमा उनको नाम राखेर निर्वाचन आयोगमा पेश गरेको दस्तावेज बाहिरिएपछि उनले आपत्ति जनाएका हुन् ।
बुधवार साँझ सामाजिक संजालमार्फत जोशीले आफू एमाले एकताको पक्षमा रहेको र सहमति नलिई नेकपा एमाले समाजवादीको केन्द्रीय सदस्यमा नाम राखिएको जनाएका छन् ।
जोशीले आफ्नो जिल्ला, प्रदेश र शुभेच्छुकहरुको सल्लाहअनुसार अघि बढ्ने भन्दै स्पष्टिकरण दिएका छन् ।